უკრაინის პრეზიდენტის, ვოლოდიმირ ზელენსკის განცხადებით, ევროპელ ლიდერებთან უსაფრთხოების გარანტიების შესახებ საერთო პოზიცია შეაჯერა. ამის შესახებ ზელენსკი სოციალურ ქსელში წერს.
მისი თქმით, მოლაპარაკებების დროს განიხილეს ერთობლივი დიპლომატიური მუშაობა ამერიკულ მხარესთან. ასევე, ცალკე ისაუბრეს უკრაინის შემდგომი თავდაცვის მხარდაჭერის შესახებ.
დღეს ძალიან მნიშვნელოვანი საკითხებია ევროპასა და უკრაინას შორის ერთიანობა და ევროპას, უკრაინასა და შეერთებულ შტატებს შორის ერთიანობა. მადლობელი ვარ დიდი ბრიტანეთის ლიდერის, კირ სტარმერის, საფრანგეთის ლიდერის, ემანუელ მაკრონის და გერმანიის ლიდერის, ფრიდრიხ მერცის, შეხვედრის ორგანიზებისა და მშვიდობისკენ მიმავალ გზაზე თითოეული ჩვენგანის პირადი წვლილისთვის.
დღეს ჩვენ დეტალურად განვიხილეთ ჩვენი ერთობლივი დიპლომატიური მუშაობა ამერიკულ მხარესთან, შევთანხმდით საერთო პოზიციაზე უსაფრთხოების გარანტიების, რეკონსტრუქციისა და შემდეგი ნაბიჯების მნიშვნელობაზე. ცალკე ვისაუბრეთ უკრაინის შემდგომი თავდაცვის მხარდაჭერის შესახებ. მადლობას ვუხდი ლიდერებს მათი მზადყოფნისთვის, იყვნენ ჩვენი ხალხის გვერდით და დაეხმარონ მშვიდობისკენ მიმავალ გზაზე,” – წერს ზელენსკი.