უნგრეთის პრემიერმინისტრმა ვიქტორ ორბანმა განაცხადა, რომ თუ მისი პარტია “ფიდესი” 2026 წლის აპრილში ჩანიშნულ უნგრეთის საპარლამენტო არჩევნებში დამარცხდება, ბუდაპეშტი შესაძლოა, რუსეთის წინააღმდეგ ომში აღმოჩნდეს ჩათრეული.
ორბანი ირწმუნება, რომ მომავალ წელს დაგეგმილი არჩევნები “ომამდე ჩატარებული ბოლო არჩევნები იქნება”, რადგან, მისივე მტკიცებით, ევროპამ უკვე გადაწყვეტა “ომში შესვლა” და “ამ მიზნით 2030 წლისთვის მზადებას იწყებს”.
პრემიერმინისტრის თქმით, თუ ქვეყანას ბრიუსელის მიერ მხარდაჭერილი მთავრობა ეყოლება, ის უნგრეთს ომში ჩაითრევს, ხოლო ეროვნულ მთავრობას აქვს შანსი ეს საფრთხე თავიდან აიცილოს.
“ამის თავიდან ასაცილებლად ლოცვაც კი გვჭირდება. ეს ვითარება ჩვენს კონტროლს სცდება. კითხვა იმაშია, შევძლებთ თუ არა ომის არიდებას? საჭიროა ძალა. უნგრეთი უნდა იყოს იმდენად ძლიერი, რომ ომს არა მხოლოდ სიტყვიერად უთხრას არა, არამედ რეალურადაც მოერიდოს,” – განაცხადა ორბანმა.