“თუ წელს, ან მომავალ წლებში აპირებთ ჩაბარებას, უნდა იცოდეთ, რომ ქართული ოცნება აუქმებს საგრანტო დაფინანსებას” – სიმონ ჯანაშია

განათლების ახალ რეფორმასთან დაკავშირებით ,განათლების სფეროს ექსპერთი სიმონ ჯანაშია კომენტარას აკეთებს.

“თუ წელს, ან მომავალ წლებში აპირებთ ჩაბარებას, უნდა იცოდეთ, რომ ქართული ოცნება აუქმებს საგრანტო დაფინანსებას, რაც ნიშნავს იმას, რომ 63 უნივერსიტეტის ნაცვლად, თქვენ დაგიფინანსდებათ სწავლა მხოლოდ 19 უნივერსიტეტში. სპეციალობების უმეტესობა ამ 19 უნივერსიტეტიდან მხოლოდ ორში იქნება. მაგალითად, სამართლის შესწავლა შესაძლებელი იქნება მხოლოდ თსუ-ში და ქუთაისის უნივერსიტეტში.
ეს შეამცირებს მისაღებ რაოდენობებსაც, ანუ უფრო რთული გახდება თქვენთვის ჩაბარება და ასევე უნდა იცოდეთ, რომ 4-წლიანი ბაკალავრიატის ნაცვლად, დაგიფინანსდებათ მხოლოდ 3-წლიანი ბაკალავრიატი. ახლა დასვით კითხვა, კარგია თუ არა 63-ის ნაცვლად 19-ში რომ დაგიფინანსდებათ სწავლა, 19-დან მხოლოდ ორში რომ იქნება სპეციალობების უმეტესობის სწავლა შესაძლებელი, რთული რომ გახდება ჩაბარება და 4 წლის ნაცვლად, 3 წელი რომ დაგიფინანსებენ სწავლას” – ამბობს განათლების სფეროს ექსპერტი, სიმონ ჯანაშია განათლების რეფორმაზე და განცხადებაზე, რომ უმაღლესი განათლება უფასო გახადეს.