“ქიმიური ზემოქმედება შესაძლოა ჩემი სიმსივნის დიაგნოზთან იყოს კავშირში” – მიხეილ რამიშვილი

ადვოკატი მიხეილ რამიშვილი ამტკიცებს, რომ BBC-ის მიერ ნახსენები კანცეროგენული ნივთიერება “ტრიქლორეთილენი” შესაძლოა გამოყენებული ყოფილიყო აქციების დაშლისას და საკუთარ ჯანმრთელობაში აღმოჩენილი სიმსივნური კვანძიც ამ ზემოქმედებას უკავშირდებოდეს.

“BBC-ის სტატიაში წერია მეორე ნივთიერება ტრიქლორეთილენი, არის ცნობილი  კანციროგენი (კიბოს იწვევს) და მისი გამოყენება ადამიანებთან დაუშვებელია, შესაბამისად დასაბუთებული ვარაუდით რობოკოპებს რომლებსაც ხელში ეჭირათ ბალონი,  შესაძლებელია ეს ნივთიერებები ყოფილიყო გამოყენებული, რადგანაც სადაც ეხლა ვიმყოფები ემიგრაციაში, ჩამიტარდა გამოკვლევები და თირკმელზე, რომელიც მხოლოდ ერთი მაქვს დამიდგინდა სიმსივნური კვანძი, რომელიც არასდრის მქონია და სრულიად შესაძლებელი ეს განხორციელებულიყო, წყლის ჭავლის და ბალონის გამოყენებისას აქციაზე ჩვენს  წინააღმდეგ,” – წერს რამიშვილი.

შეგახსენებთ, რომ BBC-ის გამოძიების მიხედვით, საქართველოს ხელისუფლებამ გასულ წელს აქციების დასაშლელად წყლის ჭავლებში პირველი მსოფლიო ომის დროინდელი ქიმიური ნივთიერება – „კამიტე“ გამოიყენეს. დემონსტრანტები ჰყვებოდნენ, რომ ჭავლი „კანს წვავდა“, ხოლო ხველა, გულისრევა და სუნთქვის გაძნელება კვირეობით არ გადიოდა.