ხობის მუნიციპალიტეტის სოფელ ხეთაში საცხოვრებელ სახლში გაჩენილი ხანძრის შედეგად 80 წლამდე კაცი დაიღუპა. ამის შესახებ ინფორმაციას “ინტერპრესნიუსი” ავრცელებს.
ხის საცხოვრებელ სახლში ცეცხლი გვიან ღამით გაჩნდა. შემთხვევის ადგილზე ორი სახანძრო-სამაშველო ბრიგადა მუშაობდა, მობილიზებული იყო პოლიციაც.
მეზობლების თქმით, კაცი მარტო ცხოვრობდა.
ხანძრის მიზეზი ამ დროისთვის უცნობია.