“ალეკო ელისაშვილი ამბობს, რომ ქმედება ჩაიდინა პროტესტის გამოსახატად უსამართლო სასამართლოს მიმართ, ერთადერთი იმას ნანობს, რომ რამდენიმე წამი დააკლდა საქმის ბოლომდე მისაყვანად” – ამის შესახებ “ლელო- ძლიერი საქართველოს” დაკავებული ერთ-ერთი ლიდერის, ალეკო ელისაშვილის ადვოკატი აცხადებს.
ამასთან, ადვოკატის განმარტებით, ალეკო ელისაშვილი მხოლოდ იმას ნანობს, რომ „რამდენიმე წამი დააკლდა საქმის ბოლომდე მისაყვანად.“
“10 საათის შემდეგ მომეცა საშუალება შევხვედროდი ალეკო ელისაშვილს დიღმის იზოლატორში. მას აღენიშნება სახეზე მძიმე დაზიანებები, არის სასტიკად ნაცემი. გაგაცნობთ ალეკო ელისაშვილის პოზიციას და მისი სახელით განცხადებას გავაკეთებ – მან ეს ქმედება ჩაიდინა პროტესტის ფორმის ერთ-ერთი გამოხატვის საშუალება იყო. პროტესტი გამოხატა უსამართლო სასამართლოს მიმართ. ცეცხლის ოლიგარქიას და ცეცხლი უსამართლო სასამართლოს – ეს სიტყვები გადმომცა. ერთადერთი იმას ნანობს, რომ რამდენიმე წამი დააკლდა საქმის ბოლომდე მისაყვანად. გააზრებული პროტესტის ფორმაა. აირჩია შაბათი დღე, დილის საათები რომ არავინ დაზიანებულიყო და ყოფილიყო ეს ქმედება პროტესტის საშუალება და საზოგადოებისთვის ენახებინა, თუ რეალურად ეს სასამართლო რამდენ ადამიანს ასამართლებს უსამართლოდ და როგორ იყენებს ეს ხელისუფლება დიქტატურის გასამყარებლად. დაზიანება მიაყენეს მანდატურის თანამშრომლებმა მას შემდეგ, რაც მას ბორკილები ედო და საფრთხე აღარ წარმოადგენდა. გამოძიება საუბრობს, რომ იარაღის მუქარით შევიდა და ვითომ ემუქრებოდა ვინმეს. მას იარაღი ედო კაბურაში, ზემოდან ეცვა ჰუდი, მერე ქურთუკი და იარაღის გამოყენების მცდელობაც არ ჰქონია. ეს კადრი არის მას შემდეგ რაც დააკავეს და ჯაჯგურის დროს ამოვარდა. იარაღის გამოყენების არც მცდელობა და არც სურვილი არ ჰქონია. როცა მოახერხა შესვლა შემდეგ შევიდა 3 მანდატური და პოლიციის თანამშრომლები. მოხდა ჭიშკარზე რაღაც გზით გადასვლა და კარის ჩამტვრევა. გააზრებული ჰქონდა და მარტო მოქმედებდა. ბრალი ჩვენ არ გვინახავს რეალურად, იქ არის საუბარი იარაღთან დაკავშირებით, მუქარასთან დაკავშირებით, ამას ის არ აღიარებს. ქმედებას, რომ მართლა შევიდა შენობაში, მისი პროტესტის ფორმა იყო. დანაშაულს იმიტომ არ აღიარებს, რომ ჯერ არ ვიცით ბრალი რა არის. ბრალის წარდგენა ხვალ იქნება და შემდეგ მოგაწვდით დამატებით ინფორმაციას” – განაცხადა ადვოკატმა.