ჩინეთში, შენჟენის სასამართლომ 14 წლის ბიჭს თანაკლასელის სასტიკი მკვლელობისთვის სამუდამო პატიმრობა მიუსაჯა.
Spiegel-ის ცნობით, მკვლელი გოგონას მისი საცხოვრებელი კორპუსის შესასვლელთან ჩაუსაფრდა და მოკლა. ექიმებმა მისი გადარჩენა ვერ შეძლეს.
გამოძიებამ დაადგინა, რომ დანაშაული წინასწარ იყო დაგეგმილი. მედიაში გავრცელებული ინფორმაციით, მოტივი შესაძლოა მოზარდის გოგონას აკადემიური წარმატების მიმართ შური ყოფილიყო.
ჩინეთში არასრულწლოვნებს განსაკუთრებით მძიმე დანაშაულისთვის სამუდამო პატიმრობა შეიძლება მიესაჯოთ. ასეთი სასჯელები გამონაკლის შემთხვევებში გამოიყენება, როდესაც სასამართლოჩათვლის, რომ საზოგადოებრივი საფრთხის მაღალი დონეა. თუმცა, ჩინეთის სასამართლოები ზოგჯერ საკმაოდ საკამათო გადაწყვეტილებებს იღებენ. მაგალითად, ერთ-ერთმა სასამართლომ დაადგინა, რომ თანამშრომლის გაუპატიურება მისი ხელმძღვანელის მიერ სამსახურებრივი მოვალეობის შესრულების დროს მიყენებულ პროფესიულ ტრავმას წარმოადგენდა. დამნაშავეს ოთხი წლით თავისუფლების აღკვეთა მიესაჯა.