“მთავარი დაკარგა რეჟიმმა, ეს არის მინიმალური ბმაც კი საზოგადოებასთან,” – ამის შესახებ “ერთიანობა – ნაციონალური მოძრაობის” ერთ-ერთმა ლიდერმა, თინა ბოკუჩავამ განაცხადა, რომელიც თბილისის სახელმწიფო უნივერსიტეტის პირველ კორპუსთან შეკრებილ აქციის მონაწილეებს შეუერთდა.
“დემოკრატიულმა ძალებმა კიდევ უფრო მეტი ერთობლივი ძალისხმევით უნდა ვიმუშაოთ იმაზე, რომ ერთის მხრივ გაფართოვდეს ბრიტანეთის სანქციები, რომელიც ძალიან მძიმეა და ძალიან მძიმე იქნება მათ შორის ივანიშვილისთვის, განსაკუთრებით ამ ბოლო დავის შედეგად, როდესაც მას შეეძლო 607 მილიონი დოლარის სარგებლის მიღება, მაგრამ სწორედ სანქციების გამო ვერ მიიღო.
მეორე, უნდა ვიმუშაოთ ევროპულ სანქციებზე იმიტომ, რომ რამდენიმე წევრ ქვეყანას აქვს შეზღუდვები დაწესებული, მაგრამ უნდა გაფართოვდეს ეს შეზღუდვები და აშშ-ის რა თქმა უნდა, რაც ძალიან სტკივა ივანიშვილს. რის გამოც მან 461 მილიონი უკვე ვერ მიიღო, სინგაპურის სასამართლოს მიერ მისთვის მინიჭებული.
რაც ყველაზე მნიშვნელოვანია, ეს არ არის საგარეო იზოლაცია, ეს არის იზოლაცია, რომელიც რეჟიმს აქვს აქ, ქვეყნის შიგნით, საკუთარ ხალხში, საკუტარ საზოგადოებაში, თავიანთ შვილებთან, ოჯახებში. მთავარი დაკარგა ივანიშვილმა, მთავარი დაკარგა რეჟიმმა, ეს არის რაღაც მინიმალური ბმაც კი საზოგადოებასთან და ხალხთან. ამის დასტურია, რომ ერთი წლის მერეც ხალხი გამოდის ქუჩაში,” – განაცხადა თინა ბოკუჩავამ.
ცნობისთვის, დღეს უწყვეტი პროტესტის ერთი წელი შესრულდა.