ბათუმში პოლიციის პირველ განყოფილებას თავს დაესხნენ, დაამტვრიეს ინვენტარი და პოლიციელებს აგინეს. ინფორმაციას TV PIRVELI ავრცელებს.
მათი ცნობით, შემთხვევა ერთი თვის წინ მოხდა, თუმცა დაზიანებები შენობას დღესაც ეტყობა.
როგორც TV PIRVELI წერს, საქმე მხოლოდ ადმინისტრაციული წესით აღიძრა. მომხდართან დაკავშირებით 3 პირი იყო დაკავებული, თუმცა სამივე მათგანი 5 დღეში გაათავისუფლეს.
ერთ-ერთი ვარაუდით, თავდამსხმელებს შორის პოლიციის ერთ-ერთი მაღალჩინოსნის ნათესავია.