საქართველოს მეხუთე პრეზიდენტი სალომე ზურაბიშვილი სოციალურ ქსელში 28 ნოემბერს დაგეგმილ აქციას ეხმაურება.
სალომე ზურაბიშვილი მოსახლეობას მიმართავს და აქციების დაწყებიდან ერთი წლის თავზე ბრძოლის გაგრძელებისა და ევროპისკენ სვლისკენ მოუწოდებს.
“ჩემი, შენი, ჩვენი, თქვენი დღეა!
28 ნოემბერს, ერთი წლის მერე კიდევ უფრო მედგრად – ერთად დავდგეთ უნდა, რათა ერთმანეთი გავაძლიეროთ!
ჩვენი არჩევანი უცვლელი და მყარია:
საქართველო რუსეთს არ დაემონება ! ევროპის გზას ვერ ჩაგვიკეტავს რეჟიმი! ვირჩევთ ევროპულობას, ესე იგი მშვიდობას, თავისუფლებასა და დამოუკიდებელ სახელმწიფოს ძლიერ ინსტიტუტებით გამყარებულს.
ვერავინ დაამარცხებს ამ მიზნის ირგვლივ გაერთიანებულ ჩვენ საზოგადოებას, ჩვენი ხალხის უშიშარ ძალასა და თავისუფლების ჟინს!.” – წერს სალომე ზურაბიშვილი.