ჟურნალისტი მაია ასათიანი წერს, რომ სოციალურ ქსელში მისი ფოტოს განთავსების შემდეგ საზოგადოების ნაწილში მწვავე კრიტიკისა და დაცინვის ობიექტი გახდა.
ტელეწამყვანი კრიტიკოსებს ურჩევს, სამყაროს მიმართ დამოკიდებულება შეცვალონ.
„დავდე ფოტო, სადაც ჩემი თავი მომწონს. თან ისე, უბრალოდ ვიკითხე, თქვენ რას ფიქრობთ-თქო. და დაიწყო…
რომ ვარ მახინჯი და გადაკეთებული, რომ ლინზებში ვამპირს ვგავარ, რომ სჯობს ნაოჭები მოქნდეს, რომ ძაღლს ბეწვი სცვივა და უნდა გავაგდო (ოღონდ, დუდი რა შუაშია აქ)…
… რომ ქალს შვილი რომ მოუკვდება უნდა დაეტიოს თავის ადგილზე და დაიკიდოს როგორ გამოიყურება…
სუპერ მაგალითი იმისა, რომ უცხო ადამიანს საკუთარ თავზე აზრი არ უნდა ჰკითხო.
მე მომწონს ჩემი თავი ისეთი, როგორიც ვარ. არ მიყვარს ჩემი ნაოჭები. მიყვარს, როცა სარკეში ვიხედები და იქიდან ის ქალი მიყურებს, რომელიც მომწონს.
თქვენც იგივეს გისურვებთ. იმუშავეთ საკუთარ თავზე, მიიღეთ თქვენი თავი, გახდით ისეთი, როგორიც გინდათ, რომ იყოთ.
და რაც მთავარია! ჰკითხეთ თქვენს თავს, რატომ იწვევს სხვა, სრულიად უცხო ადამიანის ფოტო (რომელიც შეიძლება გულწრფელად არ მოგწონდეთ და ეს ნორმალურია), ასეთ აგრესიას და გაღიზიანებას თქვენში!
გულწრფელად უპასუხეთ ამ კითხვას და შეცვალეთ, შეცვალეთ, შეცვალეთ დამოკიდებულება სამყაროს მიმართ!“, – წერს ასათიანი სოციალურ ქსელში.
