საქალაქო სასამართლოში 20 ნოემბერს დაკავებული ივანე სხირტლაძის პროცესი მიმდინარეობს — საქმეს მოსამართლე თორნიკე ქოჩქიანი განიხილავს. შსს მას პოლიციელის შეურაცხყოფას ედავება.
„ხელში ეკავა სათამაშო, რომელიც გამოსცემდა ხმას, ჭყვიტინებდა. იგი მიდიოდა პოლიციასთან და სახესთან ახმაურებდა, რაც ნამდვილად არის შეურაცხმყოფელი, თავი ვიგრძენი შეურაცხყოფილად. დაკავების მიზეზი იყო ირონიული და ცინიკური დამოკიდებულება, სახის მიმდებარედ ჭყვიტინი…
პოლიციის თანამშრომელი როდესაც 24 საათის განმავლობაში ზრუნავს ადამიანის უსაფრთხოებაზე, სათამაშოს, რომელსაც იყენებენ შინაური ცხოველების გასართობად, ნამდვილად შეურაცხმყოფელია. მოქალაქე რომ მოდის და რაღაც სათამაშოს სახესთან გიჭყვიტინებს შეურაცხმყოფელია“ — განაცხადა მოწმე პოლიციელმა გიორგი ბადურაშვილმა.