ჯგუფურად ორგანიზებული ათობით ძარცვის და თანატოლების მიმართ ანგარიშსწორების შემდეგ, რის გამოც სისხლის სამართლის პასუხისგებაში 14 წელს მიუღწეველ მოზარდებს ვერ აძლევდნენ, პარლამენტში ახალი კანონი დაინიცირდა. იქმნება სპეციალური ცენტრი და სარეაბილიტაციო სახლი, სადაც სასამართლოს გადაწყვეტილების საფუძველზე მოზარდი შესაძლოა ერთ წლამდე ვადით მოათავსონ.
ცენტრი, რომელიც კანონთან კონფლიქტში მყოფ არასრულწლოვნებს კონკრეტულ პროგრამებში ჩართავს და მათზე ინფორმაციას შეაგროვებს იუსტიციის სამინისტომ უნდა შექმნას. პროცესში ერთვება საგამოძიებო უწყება და რამდენიმე სამინისტრო.
კანონპროექტის ავტორები ამტკიცებენ, რომ მიზანი, არასრულწლოვნების რესოციალიზაცია და რეაბილიტაციაა, თუმცა ბავშვთა უფლება დამცველები რისკებზე საუბრობენ.