“ნუ დააფარებთ ხელს მკვლელებს” -მოკლული მასწავლებლის, გიგა ავალიანის დედა მიმართვას ავრცელებს

“როგორც მოლოდინი მქონდა, ბოლომდე გააყალბეს, სხვადასხვა ადგილი, ექიმი ნიკა ზირაქაშვილი დაკითხონ თავიდან, რატომ არ ჰქონდა გიგას ყველა დაზიანება აღწერილი. პოლიციის განყოფილების უფროსმა, იაგომ, არ ვიცი მისი გვარი, რატომ არ ჩადო საქმეში სურათი, რომელიც გიგას გადაუღო, რატომ არ იყო გიგას ყველა დაზიანება აღწერილი. არ არის ბოლომდე მოსული ექსპერტიზის პასუხები და ამ დასკვნით, რაც ახლა მოგვივიდა, ვერ ვდებთ ბოლომდე შედეგსო. მკვლელ გიორგი რიკაძეს მარტო შეუტყობინებლობისთვის ასამართლებენ, ამ მუხლს უყენებენ და იცოდეთ, რომ გიგას მრავლობითი დაზიანება ჰქონდა. მკვლელმა რიკაძემ გადაიღო 19-წამიანი ვიდეო, რა მოხდა 19 წამის შემდეგ[…] დაარტყა მუშტი, რომლის კვალიც იაგოს ტელეფონში ინახება და არ ჩადო საქმეში… ვიბრძოლებ ბოლომდე, დავსკი გიგას მკვლელებს… თქვენს შვილებს დახოცავენ, თქვენი გიგები დაიცავით, ჩემი გიგა მკვდარი მიწევს, დაიცავით თქვენი შვილები… მე ვარ პროკურატურასთან, კუდამოძუებული გამომაგდო პროკურორმა, აზრი აღარ აქვს აღარაფერსო. სახელმწიფოს მივმართავ, ნუ მაქცევთ მკვლელად, დაიჭირეთ მკვლელები”  ამბობს მოკლული მასწავლებლის, გიგა ავალიანის დედა ვიდეომიმართვაში.

ახალგაზრდა მასწავლებელი, გიგა ავალიანი, რომელსაც 1 ოქტომბერს სახლთან ჩაუსაფრდნენ და სცემეს, 25 ოქტომბერს კლინიკაში გარდაიცვალა. 26 წლის გიგა ავალიანს თავის არეში უმძიმესი დაზიანებები მიაყენეს, მას ორი ოპერაცია ჩაუტარდა, თუმცა ექიმებმა მისი გადარჩენა ვერ შეძლეს.