2026 წლის 1 იანვრიდან იმპორტულ სიგარეტზე აქციზი 85 თეთრით, 2.75 ლარამდე გაიზრდება. აღნიშნული კანონპროექტი, შესაბამისი კანონპროექტი “ოცნების” წევრებმა, შოთა ბერეკაშვილმა, გიორგი ბარვენაშვილმა, ლევან მაჭავარიანმა და თორნიკე ბერეკაშვილმა დააინიცირეს.
“კანონპროექტის მიზანია ადგილობრივი წარმოების დაცვა და სექტორში კონკურენტუნარიანობის ზრდა. აღნიშნულის მისაღწევად კი საჭიროა ადგილობრივი წარმოების სიგარეტებზე (2402 20 კოდით აღნიშნული თამბაქოს ნაწარმის სახეობაზე, ყოველწლიურად 35 მილიონ კოლოფამდე/შეფუთვამდე) აქციზის განაკვეთის შემცირება. გარდა ამისა, ფისკალური და საზოგადოებრივი მიზნების მიღწევისთვის მნიშვნელოვანია 35 მილიონ კოლოფზე/შეფუთვაზე მეტი ადგილობრივი წარმოების სიგარეტების და იმპორტირებული სიგარეტების აქციზის განაკვეთის ცვლილებაც” – წერია კანონპროექტის განმარტებით ბარათში.