საქართველოში ჰაერი მკვეთრად დაბინძურებულია მყარი ნაწილაკებით როგორც თბილისში, ასევე თელავში, ახალციხესა და ქუთაისში.
6 ნოემბრიდან, როგორც თბილისში, ისე საქართველოს რამდენიმე ქალაქში ატმოსფერულ ჰაერში მყარი ნაწილაკების (PM10 და PM2.5) კონცენტრაციის რაოდენობა დასაშვებ ნორმას მკვეთრად სცილდება.
ჰაერის დაბინძურებას გარემოს ეროვნული სააგენტო სამხრეთიდან უდაბნოს მტვრის მასების გავრცელებით ხსნის და ამბობს, რომ ეს ტრანსსასაზღვრო ხასიათის პრობლემაა.