Tinder Swindler-ის გმირმა საიმონ ლევიევმა ორთვიანი პატიმრობის შემდეგ ქუთაისის ციხე დატოვა – საიმონ ლევიევის (იგივე შიმონ იეჰუდა ჰაიუტი) შესახებ გადაღებულია Netfix-ის დოკუმენტური სერიალი Tinder Swindler-ი. (“ტინდერის თაღლითი”), რომელიც 2022 წელს გამოვიდა. ამ სერიალის მიხედვით, ის წლების განმავლობაში ქალებს ონლაინგაცნობის აპლიკაცია Tinder-ის საშუალებით უკავშირდებოდა და თავს აცნობდა ბრილიანტების მაგნატის, ლევ ლევიევის მემკვიდრედ.
როგორც მისი ადვოკატი მარიამ კუბლაშვილი ეუბნება რადიო თავისუფლებას, საიმონ ლევიევმა დღეს ისე დატოვა ქუთაისის პენიტენციური დაწესებულება, რომ მის წინააღმდეგ წარმოებული “საქმე სრულად შეწყდა” და ყველანაირი პირობის გარეშე გათავისუფლდა. მას ციხის დატოვებისთვის არ დასჭირვებია არც გირაოს გადახდა, არც საპროცესოს გაფორმება და არც სამოგზაურო შეზღუდვები დასწესებია. კუბლაშვილის განმარტებით, გერმანულმა მხარემ უკან წაიღო მისი დაპატიმრებისა და ექსტრადიციის მოთხოვნა – ადვოკატი ამ გადაწყვეტილებას საქმეში საიმონ ლევიევის წინააღმდეგ მტკიცებულებების არარსებობით ხსნის.