სასამართლომ ხაშურის მერის მოადგილეს და მასთან ერთად დაკავებულ კიდევ ორ პირს აღკვეთის ღონისძიების სახით პატიმრობა შეუფარდა. დაცვის მხარე ლევან გამრეკელის შემთხვევაში შუამდგომლობის სახით 800 000 ლარის გირაოს, დანარჩენი ორი დაკავებულის შემთხვევაში კი 100 000 – 100 000 ლარის შეფარდებას ითხოვდა, თუმცა სასამართლომ ბრალდების მხარის პოზიცია პატიმრობასთან დაკავშირებით სრულად გაიზიარა.
პროკურატურის ინფორმაციით, ხაშურის მერის მოადგილე, ლევან გამრეკელი და მასთან დაკავშირებული კიდევ ორ პირი 5 000 000 ლარის ღირებულების, სახელმწიფოს კუთვნილ მილსადენები უკანონოდ დაეუფლნენ, რის გამოც სახელმწიფოს დიდი ოდენობით მატერიალური ზარალი მიადგა. დაკავებულებს ბრალდება საქართველოს სისხლის სამართლის კოდექსის 177-ე მუხლის მე-4 ნაწილის „ა“ და „ბ“ ქვეპუნქტებით (ორგანიზებული ჯგუფის მიერ ჩადენილი დიდი ოდენობით ქურდობა) წარედგინებათ, რაც სასჯელის სახედ და ზომად 10 წლამდე თავისუფლების აღკვეთას ითვალისწინებს.