“დიდი ენერგიისა და ძალის მომცემი იყო გუშინ მოქალაქეების, აქტივისტების, პოლიტპატიმრების ოჯახების, პოლიტიკოსების, სხვადასხვა ასაკის მრავალფეროვანი ჯგუფის ერთიანი განცხადება პროტესტის 1 წლის თავზე, ახალი შემართებით ბრძოლაზე.
28-ში ჩვენ ვანახებთ, რომ ეს წელი ეკუთვნის ხალხის ბრძოლას, სინდისის პატიმრების თავდადებას, მოქალაქეების თავგანწირვას! პოლიტიკოსების გაუტეხლობას და მთლიანად მთელი საზოგადოების არჩევანს – არ დავთმოთ თავისუფლება!
მიუხედავად ძალადობისა თუ რეპრესიებისა, საქართველოს გეზს განსაზღვრავს ხალხი და არა ისტორიული ანომალია “ოცნების” სახით. ჩვენი ბრძოლის წარმატების შანსი იქნება ზუსტად იმდენი, რამდენ ძალისხმევასაც ჩავდებთ მასში.
28 ნოემბერს, 19 საათზე.
ბოლომდე!
რუსთავის ქალთა ციხე
14/11/2025” -წერია “დროას” ლიდერის, ელენე ხოშტარიას წერილში.
ელენე ხოშტარია ციხიდან წერილს აქვეყნებს
ელენე ხოშტარია მიიჩნევს, რომ 28 ნოემბერი საზოგადოებრივი ერთიანობისა და ერთწლიანი პროტესტის კულმინაცია იქნება, სადაც გამოჩნდება, რომ მიმდინარე წელი ხალხის ბრძოლას, სინდისის პატიმრების თავდადებასა და მოქალაქეების შეუპოვრობას ეკუთვნის. ამის შესახებ “დროას” ლიდერი საპატიმროდან გამოგზავნილ წერილში წერს.
შეგახსენებთ, 28 ნოემბერს, 19:00 საათზე საპროტესტო აქცია გაიმართება. მსვლელობა თბილისის სახელმწიფო უნივერსიტეტიდან რუსთაველის გამზირამდე მოეწყობა.