ტელეკომპანია “იმედის” გადაცემის “ნოესთან”, ავტორი და წამყვანი ნოე სულაბერიძე პოეტ რეზო ამაშუკელის ინტერვიუდან მნიშვნელოვან გამონათქვამებს იხსენებს.
“მე დღეს ვარ შვილო, ხვალ შეიძლება არ ვიყო. ექვსი შვილთაშვილი მყავს, ერთი გოგოა, ხუთი ბიჭია. ანგელოზებს ჰგვანან, ყველას თავისი ბახალა მოსწონს. ამიტომ ესენი (ახალგაზრდები) უნდა დავიბრუნოთ ჩვენ.
გინდა პირდაპირ გითხრა? – დავიღალე, მომკლა ამ თავის მართლებამ. ადამიანი რამდენიც არ უნდა ეცადოს, რომ საკუთარ თავს აჯობოს, ეს გამორიცხულია. ყველაზე ძნელი ომი ყოველთვის ადამიანის აქვს თავის თავთან.
შეცდომების მეტი რა მაქვს ჩადენილი… ცუდად გამოჩნდება, მაგრამ უნდა ვთქვა, ასეთი ბრიყვი როგორ აღმოვჩნდი, ყველამ როგორ მომატყუა?
ახალგაზრდებს მივმართავ, თქვენც დაბერდებით, ღმერთმა ტკბილად დაგაბეროთ და დიდხანს გაცოცოხლოთ, მაგრამ გახსოვდეთ, ყოველთვის წინ დაგხვდებათ ყველა უსაქციელობა.
სანამ ცოცხალი ვარ, ეშინოდეთ იმათ, ვისაც უნდა ეშინოდეს, და სხვათაშორის, ეშინია მხოლოდ იმას, ვისაც უნდა ეშინოდეს”
გუშინ, 10 იანვარს, 85 წლის ასაკში პოეტი რეზო ამაშუკელი გარდაიცვალა.