სლოვაკეთში, ბრატისლავასა და პეზინოკს შორის ერთმანეთს ორი სამგზავრო მატარებელი შეეჯახა. ინციდენტი გუშინ საღამოს მოხდა. შედეგად, 20 ადამიანი დაშავდა, ისინი საავადმყოფოში არიან გადაყვანილები.
შეჯახების მომენტში ორივე მატარებელში 800-მდე ადამიანი იმყოფებოდა.
ეს ბოლო თვის განმავლობაში სლოვაკეთში მომხდარი მეორე სარკინიგზო ავარიაა. 13 ოქტომბერს აღმოსავლეთ სლოვაკეთში ორი მატარებელი შეეჯახა ერთმანეთს, რის შედეგადაც 91 ადამიანი დაშავდა.
სლოვაკეთის პრეზიდენტმა პეტერ პელეგრინიმ დაშავებულებს გამოჯანმრთელება უსურვა და სამაშველო სამსახურის წარმომადგენლებს გამოვლენილი პროფესიონალიზმისთვის მადლობა გადაუხადა.