“არანაირი შეხება ე.წ. სასამართლო პროცესთან არც ერთი ფორმით არ მექნება – გუშინ გამომძიებლები რომ შემოვიდნენ ციხეში, ბადრაგი მოვიდა და გასვლაზე უარი ვთქვი. შემდეგ მომადგნენ საკნის კართან და გავაგდე. არ შეისმინეს – კიდე გავაგდე. შემდეგ ზურგი შევაქციე და გავუშვი პუტინთან”, – ელენე ხოშტარია ციხიდან გამოგზავნილ წერილში წერს.
ელენე ხოშტარია პროკურატურის მიერ მის მიმართ წარდგენილ ბრალს „ბოდვას“ უწოდებს და განმარტავს, რომ უარს აცხადებს, ვინმემ მისი ინტერესები წარმოადგინოს სასამართლოში.
„როგორც ყველა სხვა შემთხვევაში, რა თქმა უნდა, არანაირი შეხება ე.წ. სასამართლო პროცესთან არც ერთი ფორმით არ მექნება. მე მყავს ორი არაჩვეულებრივი ადვოკატი შოთა თუთბერიძე და ანა გახოკიძე, რომლებიც მთელი ამ ხნის განმავლობაში, არიან ჩემს გვერდით.
ადვოკატი არის, მაგრამ არ არის საქმე. იმ ბოდვას, რაც გუშინ მოვისმინეთ, მე საქმედ არ მივიღებ. მით უმეტეს, ამდენი ადამიანის დაკავებისა და ადვოკატების დატვირთულობის ფონზე, უარს ვაცხადებ, ვინმე წარმომადგენდეს იმ შენობაში (სასამართლოში).
ჩემს პოზიციას ყველა საჯარო კითხვაზე შოთა და ანა გაახმოვანებენ. მადლობა მათ!
გუშინ გამომძიებლები რომ შემოვიდნენ ციხეში, ბადრაგი მოვიდა და გასვლაზე უარი ვთქვი. შემდეგ მომადგნენ საკნის კართან და გავაგდე. არ შეისმინეს – კიდევ გავაგდე. შემდეგ ზურგი შევაქციე და გავუშვი პუტინთან.
ბოლომდე! რუსთავის ქალთა ციხე“, – წერს ელენე ხოშტარია.