ირლანდიამ ოფიციალურად დაიწყო საქართველოს მოქალაქეების დეპორტაცია. ქვეყნის პოლიციის ინფორმაციით, სამშობლოში ჩარტერული რეისით გააძევეს 52 ქართველი მიგრანტი, მათ შორის 7 ბავშვი.
დუბლინის აეროპორტიდან რეისი ირლანდიის შინაგან საქმეთა სამინისტროს კოორდინაციით შესრულდა.
ოფიციალური მონაცემებით, დეპორტირებულთა საქმეები დასრულდა მას შემდეგ, რაც მათ თავშესაფარზე უარი ითქვათ და ყველა სამართლებრივი პროცედურა ამოიწურა.
ირლანდიის შინაგან საქმეთა მინისტრმა ჯიმ ო’კალაჰანმა განაცხადა, რომ ოპერაცია განხორციელდა ევროკავშირის მიგრაციული წესების შესაბამისად და მიზნად ისახავდა „სისტემის კანონიერების დაცვისა და მიგრაციული ბალანსის აღდგენის უზრუნველყოფას“.
მინისტრის თქმით, ირლანდია აგრძელებს თანამშრომლობას საქართველოს ხელისუფლებასთან იმიგრაციის საკითხებზე და მზად არის ხელი შეუწყოს „სანქცირებული და ლეგალური მიგრაციის არხების გაძლიერებას“.
ირლანდიური მედიის ცნობით, აღნიშნული ოპერაცია სახელმწიფოს დაახლოებით 187 000 ევრო დაუჯდა. დეპორტაცია განხორციელდა რამდენიმე კვირიანი სამართლებრივი პროცესის შემდეგ, როცა სასამართლომ საბოლოოდ დაადასტურა საქართველოს მოქალაქეთა ქვეყნიდან გაძევების გადაწყვეტილება.