“ბირთვულ ობიექტებს აღვადგენთ…” – ირანის პრეზიდენტი

ირანის პრეზიდენტმა მასუდ ფეზეშქიანმა სახელმწიფო მედიას განუცხადა, რომ თეირანი ბირთვულ ობიექტებს ხელახლა ააშენებს.

“ამ ყველაფრის მიზანი ხალხის პრობლემების მოგვარებაა. ეს ყველაფერი ხალხის ჯანმრთელობის პრობლემების მოსაგვარებლად არის განკუთვნილი“ – აღნიშნა ირანის პრეზიდენტმა.

28 ივლისს აშშ-ს პრეზიდენტმა დონალდ ტრამპმა ირანი გააფრთხილა, რომ თუ თეირანი ივნისში აშშ-ს მიერ დაბომბილ ბირთვულ ობიექტებს ხელახლა ააშენებს, აშშ იერიშს ხელახლა მიიტანს.