მომავალი წლიდან შესაძლოა რეგიონებში მცხოვრებლებს შესაძლოა წყლის გაზრდილი ტარიფის გადახდა მოუწიოთ.
ამის შესახებ პარლამენტში ინტერპელაციის მოსმენისას რევაზ სოხაძემ თქვა. მისი განმარტებით, წყალმომარაგების კომპანიის დანახარჯი ბევრად მეტია, ვიდრე მისი შემოსავალი.
როგორც სოხაძემ აღნიშნა, ისინი მარეგულირებელ კომისიას ტარიფის გაძვირების მოთხოვნით მიმართავენ.
“დღეს თბილისში არსებული ტარიფები მკვეთრად განსხვავდება რეგიონში არსებული ტარიფებისგან, მაშინ, როდესაც რეგიონებში წყლის მიწოდება გაცილებით უფრო მეტ კაპიტალდანახარჯს მოითხოვს, ვიდრე ეს არის თბილისი. შესაბამისად, ვფიქრობთ, რომ ამ მიმართულებით ნაბიჯების გადადგმა არის მნიშვნელოვანი, გამომდინარე იქიდან, რომ ვერ უზრუნველყოფს კომპანია თავისი საოპერაციო ხარჯების მინიმალურ გასტუმრებასაც კი დღეს არსებული ტარიფებით“ – განაცხადა სოხაძემ.