ისრაელის მიერ ღაზაზე განხორციელებული დარტყმები ღიად არღვევს “ჰამასთან” მიღწეული ცეცხლის შეწყვეტის შეთანხმებას – აღნიშნულის შესახებ თურქეთის საგარეო სამინისტროს განცხადებაშია აღნიშნული.
“თურქეთი გააგრძელებს სოლიდარობას პალესტინელი ხალხის მიმართ და გააგრძელებს რეგიონში სამართლიანი, მდგრადი და ყოვლისმომცველი მშვიდობის უზრუნველყოფის მცდელობების მხარდაჭერას“ – ნათქვამია განცხადებაში.
ცნობისთვის, ისრაელმა ღაზას სექტორის ტერიტორიაზე ახალი დარტყმები დაიწყო მას შემდეგ, რაც მხარეებმა ერთმანეთი ცეცხლის შეწყვეტის დარღვევაში დაადანაშაულეს.
“ჰამასის“ მიერ მართული სამოქალაქო თავდაცვის სააგენტოს ინფორმაციით, ისრაელის თავდასხმას 9 ადამიანი ემსხვერპლა.