რუსთაველის გამზირზე, სადაც აქცია მიმდინარეობს, მოქალაქეებმა საავტომობილო გზა გადაკეტეს.
პროტესტის მონაწილეები გზის გადაკეტვას სტვენითა და შეძახილებით – “ბოლომდე, ბოლომდე!” შეხვდნენ.
მას შემდეგ, რაც პროტესტის მონაწილეებმა გზა გადაკეტეს, რუსთაველის გამზირზე სპეციალური ლენტები გააბეს, რათა ავტომობილებმა პროტესტის არეალში ვერ იმოძრაონ.
მოქალაქეების მიერ გზის გადაკეტვას პოლიციის მხრიდან მოჰყვა გაფრთხილება იმასთან დაკავშირებით, რომ გადასულიყვნენ გზის სავალი ნაწილიდან, წინააღმდეგ შემთხვევაში პროტესტის მონაწილეების მიმართ გამოყენებული იქნება კანონით გათვალისწინებული ზომები.
აღნიშნულ გაფრთხილებას აქციის მონაწილეების მხრიდან პროტესტი და შეძახილები მოჰყვა.