“ჩვენ ქვეყანაში პირბადის ტარებისთვის ციხეა, სამაგიეროდ კრიმინალი ზეიმობს” – ამის შესახებ სოციალურ ქსელში თეა სუბელიანი წერს და აღნიშნავს, რომ მაღაზია “მაგნიტში”, მისი თანდასწრებით, ოთხი არასრულწლოვანი გოგო მოლარეს და კონსულტანტს ფიზიკურად გაუსწორდა.
მისი თქმით, არასრულწლოვნებს მოპარული ნივთების დადება სთხოვეს, რასაც შელაპარაკება მოჰყვა – ” შამპანიურის ბოთლის თავში ჩარტყმა რომ დააპირა, შემოვარდნენ კაცები და ვერ აშველებდნენ”.
თეა სუბელიანი განმარტავს, რომ მან პოლიციაში დარეკა, “დამნაშავეები იდენტიფიცირებულები არიან”.
ჩვენ ქვეყანაში პირბადის ტარებისთვის ციხეა, სამაგიეროდ კრიმინალი ზეიმობს! ნახევარი საათის წინ, “მაგნიტში” ჩემს თვალწინ ოთხი არასრულწლოვანი გოგო კლავდა მოლარეს და კონსულტანტს, მოპარული ნივთების დადება სთხოვეს და ამას მოყვა შელაპარაკება, მსგავსი ძალადობა მხოლოდ ფილმებში მინახავს, შამპანიურის ბოთლის თავში ჩარტყმა რომ დააპირა, შემოვარდნენ კაცები და ვერ აშველებდნენ, ის ბოთლი მოიქნია, ბოქსი მოაძრეს, წიხლებით შედგნენ კონსულტანტს, “მაგნიტი” როგორ გყავთ დაცვის გარეშე მომსახურე პერსონალი, სიკვდილს არიან გადარჩენილები და ეხლა ვიგებ, რომ ეს არაა პირველი შემთხვევა. მაგ ბავშვების ადგილას (მოლარეს და კონსულტანტს ვგულისხმობ) გიჩივლებდით აუცილებლად! ცხადია პატრული გამოვიძახე და დამნაშავეები იდენტიფიცირებულები არიან,” – წერს თეა სუბელიანი.