შინაგან საქმეთა სამინისტროს განსაკუთრებულ დავალებათა დეპარტამენტის ოპერატიული დაგეგმვის სამმართველოს ყოფილი უფროსი, ირაკლი შაიშმელაშვილი ბრალს არ აღიარებს. ამის შესახებ მისმა ადვოკატმა ნათია მეზვრიშვილმა განაცხადა.
„ირაკლის გუშინ საღამოსვე გავაცანი მისი ბრალი, ის რა თქმა უნდა, ბრალს არ აღიარებს და ასაღიარებელიც არაფერია. რა ბრალიც მას აქვს წარდგენილი, სრულიად უსაფუძვლო და უკანონოა. საქმეზე წარდგენილი არც ერთი მტკიცებულებით არ დასტურდება მისი ბრალი. რაც შეეხება მის მიერ გაკეთებულ განცხადებებს, რომელსაც მას პროკურატურა ედავება, ეს სრულიად კონსტიტუციური უფლების ფარგლებში გაკეთებული განცხადებებია“, – განაცხადა მეზვრიშვილმა.