გიგი უგულავა სოციალურ ქსელში განცხადებას ავრცელებს, რომლითაც განათლების რეფორმას ეხმაურება.
“რეალურად საქართველო მაშინ შეიცვალა, როცა ერთიანი ეროვნული გამოცდების შემდეგ, სამი დეპუტატის შვილი ვერ მოხვდა უნივერსიტეტში, ხოლო საუკეთესო შედეგი ონის სოფელში გაზრდილმა მოწაფემ დადო. ეს იყო ნამდვილი ვარდების რევოლუცია. ამის შემდეგ ჩვენი განათლების სისტემა ბოლონიის პროცესს მიუერთდა. ეს თაობა ებრძვის დღეს საბჭოური ცეხავიკების, “გუჩებში” გამოწკეპილ, კოჭებგადმოყრილ შთამომავლობას.
ასეთი ცხადი სინათლე და სიბნელე, ცოდნა და უვიცობა არასდროს ყოფილა. შუა ნამდვილად გაკრეფილია და სიბნელე ნამდვილად დამარცხდება”, – წერს გიგი უგულავა სოციალურ ქსელში.
შეგახსენებთ, ირაკლი კობახიძემ გუშინ განაცხადა განათლების მომავალ რეფორმაზე, რომელიც განხილვაში შედის და ის მოიაზრებს, სასკოლო და საუნივერსიტეტო ვადების შემცირებას. ეს რეფორმა გაართულებს ახალგაზრდებისათვის უცხოეთში სწავლის გაგრძელებას, რაზეც ირაკლი კობახიძემ განაცხადა, რომ მათი მთავარი მიზანი არის, რომ ქართველმა ახალგაზრდებმა საქართველოშივე შეძლონ მაღალი ხარისხის განათლების მიღება.