საქართველოს საპატრიარქოში ზნეობის კომისიის სხდომა იწყება. კომისიას პატრიარქის მოსაყდრე, მეუფე შიო ხელმძღვანელობს.
როგორც სრულიად საქართველოს კათოლიკოს-პატრიარქის, უწმინდესი და უნეტარესი ილია მეორის მდივანი, დეკანოზი მიქაელ ბოტკოველი „ტვ პირველთან“ აცხადებს, დღევანდელი სხდომა არქიმანდრიტ დოროთე ყურაშვილის მიერ საჯაროდ გაკეთებული განცხადებების გამო ჩაინიშნა.
შეხვედრაზე დაბარებულია თავად არქიმანდრიტიც, თუმცა, ამ ეტაპისთვის, როგორც ცნობილია, ის სხდომაზე მისვლას არ აპირებს.
შესაბამისი ოქმი კომისიის სხდომის დასრულების შემდგომ გამოქვეყნდება.