თამარ ჩერგოლეიშვილი სოციალურ ქსელში განცხადებას ავრცელებს და 4 ოქტომბრის ორგანიზატორებსა და გულშემატკივრებს მოუწოდებს, რომ აქტივიზმი შეწყვიტონ და მუშაობა დაიწყონ.
“მეგობრებო, ვისაც ფული გაგითავდათ, ფულის საშოვნელად, ათობით ადამიანი ციხისთვის ხალხი აღარ გაწიროთ.
აქტივიზმი შეწყვიტეთ და მუშაობა დაიწყეთ.
უცნაური დისკუსია აქვთ გაჩაღებული ოთხი ოქტომბრის სიმულირებული რევოლუციის გულშემატკივრებს – ფული აღარ გვაქვს და ამიტომ ჩავდივართ მავნებლობებსო.
“ჩერგოს თანამოაზრეებს იმიტომ არ ეჩქარებათ რომ ფული არ დაკლებიათო” – ასეთ საოცრებას კულტივირებენ.
არა მეგობრებო, სულ მშივრები რომ დავრჩეთ, ხალხს საციხოდ არ გავწირავთ, ამომრჩევლის მოლოდინებს აბუჩად არ ავიგდებთ და მტერს არ გავაძლიერებთ.
სხვა ფასეულობებით ვმოძრაობთ”, – ნათქვამია თამარ ჩერგოლეიშვილის მიერ გავრცელებულ ინფორმაციაში.