“ყველასთვის შეიძლება ცუდად დასრულდეს” – რას აცხადებს დიმიტრი მედვედევი?

Tomahawk-ის რაკეტების უკრაინისთვის მიწოდება ყველასთვის შეიძლება ცუდად დასრულდეს და უპირველეს ყოვლისა, თავად ტრამპისთვის – ამის შესახებ რუსეთის უშიშროების საბჭოს თავმჯდომარემ, დიმიტრი მედვედევმა განაცხადა.

“ტრამპმა განაცხადა, რომ თუ რუსეთის პრეზიდენტი უკრაინის კონფლიქტს არ მოაგვარებს, „ეს მისთვის ცუდად დასრულდება“, თუ „ბიზნეს-მშვიდობისმყოფელი“ “ტომაჰავკის” რაკეტებს გულისხმობს, ფრაზა არასწორია. ამ რაკეტების მიწოდება ყველასთვის შეიძლება ცუდად დასრულდეს, და უპირველეს ყოვლისა, თავად ტრამპისთვის. ასჯერ ითქვა, რომ შეუძლებელია ბირთვული Tomahawk-ის რაკეტის ფრენისას ჩვეულებრივი რაკეტისგან გარჩევა. მათ არა ბანდერას კიევი, არამედ შეერთებული შტატები გაუშვებს. მხოლოდ იმის იმედი შეიძლება გვქონდეს, რომ ეს კიდევ ერთი ცარიელი მუქარაა, რომელიც კოკაინზე დამოკიდებულ კლოუნთან გაჭიანურებული მოლაპარაკებებით არის გამოწვეული“ – წერს მედვედევი „ტელეგრამ“ არხზე.