GAMA FC ეხმიანება მებრძოლის, გიორგი კირვალიძის დაკავებას და სოციალურ ქსელში წერს, რომ გიორგი კირვალიძე აღარ ირიცხება GAMA-ს მებრძოლად 2025 წლის იანვრიდან.
როგორც მათივე განცხადებაშია ნათქვამი, გიორგი კირვალიძეს არანაირი პროფესიული ან სხვა სახის კავშირი აღარ გააჩნია ორგანიზაციასთან.
“გვინდა გამოვეხმაუროთ დღეს სოციალურ ქსელებსა და მედიაში გავრცელებულ ინფორმაციას, რომელიც შეეხება გიორგი კირვალიძის დაკავებას და მის GAMA-სთან ასოცირების მცდელობას.
გვსურს ხაზგასმით აღვნიშნოთ, რომ გიორგი კირვალიძე აღარ ირიცხება GAMA-ს მებრძოლად 2025 წლის იანვრიდან და ამ დროიდან მოყოლებული არანაირი პროფესიული ან სხვა სახის კავშირი არ გააჩნია ორგანიზაციასთან.
ასევე გვინდა დავაზუსტოთ, რომ GAMA-ს მებრძოლები ორგანიზაციის კონტრაქტორები არიან და არა თანამშრომლები. ისინი სრულწლოვანი პირები არიან, რომელთა სამოქალაქო და პირადი გადაწყვეტილებები სრულიად დამოუკიდებელია GAMA-ს საქმიანობისგან.
ჩვენ ვრჩებით ერთგულნი ჩვენი პრინციპების – სპორტული ეთიკის, პატივისცემისა და გამჭვირვალობის მიმართ”. – წერს GAMA FC სოციალურ ქსელში.
ცნობისთვის, შსს-მ 4 ოქტომრის საქმეზე, ამ დროისთვის, დააკავა 36 პირი, მათ შორის არის გიორგი კირვალიძეც.