გიორგი კინოიანი თავისუფალია

გიორგი კინოიანი თავისუფალია. ამის შესახებ სოციალურ ქსელში სამოქალაქო აქტივისტი გიორგი ტუმასიანი წერს.

აქტივისტის ინფორმაციით, სომხეთმა მის ექსტრადიციაზე რუსეთში უარი თქვა, რადგან “ეს მისთვის საფრთხის შემცველი იქნებოდა”.

გიორგი კინოიანი თავისუფალია! სომხეთმა მის ექსტრადიციაზე რუსეთში უარი თქვა, რადგან “ეს მისთვის საფრთხის შემცველი იქნებოდა”. 

დიდი მადლობა სომხეთის ხელისუფლებას და გამორჩეულ უფლებადამცველებს, “ჰელსინკის მოქალაქეთა ასამბლეა-ვანაძორს”, არტურ საკუნცს და ანი ჩატინიანს.

მოველით, რომ იგივე გადაწყვეტილება იქნება მიღებული სომხეთში რუსეთის მოთხოვნით დაკავებული მეორე ქართველის, ვანო საბაშვილის შეხვევაშიც,” – წერს ტუმასიანი.

• 29 წლის გიორგი კინოიანი 2025 წლის 3 სექტემბერს, შუადღისას დააკავეს საქართველოდან სომხეთში გადასვლის შემდეგ. ის მშობლებთან ერთად მიემგზავრებოდა სომხეთში.
• ინფორმაცია ამის შესახებ ოჯახმა გაავრცელა. მასზე რუსეთის ფედერაციას ძებნა ჰქონდა გამოცხადებული, უკრაინაში რუსეთის წინააღმდეგ ბრძოლის ბრალდებით.