საქართველოს ჟურნალისტთა ფედერაციის ყოფილი თავმჯდომარე აკაკი სიხარულიძე 65 წლის ასაკში გარდაიცვალა.
სამწუხარო ინფორმაციას ოჯახის წევრები და მეგობრები ავრცელებენ. გარდაცვალების მიზეზი გულის შეტევა გახდა.
აკაკი სიხარულიძე საქართველოს ჟურნალისტთა ფედერაციას წლების განმავლობაში ხელმძღვანელობდა – სწორედ მისი ხელმძღვანელობის დროს, 1993 წელს, ქართული ჟურნალისტიკის დღედ 21 მარტი საქართველოს ჟურნალისტთა ფედერაციამ და თბილისის სახელმწიფო უნივერსიტეტმა ერთობლივად დააწესეს.