შინაგან საქმეთა სამინისტრო მეტეხის ხიდზე მომხდარ ინციდენტთან დაკავშირებით, რა დროსაც, „ნაციონალური მოძრაობის“ ახალგაზრდული ორგანიზაციის თავმჯდომარეს იგორ ნარმანიას თავს დაესხნენ, განცხადებას ავრცელებს.
„შინაგან საქმეთა სამინისტროს თანამშრომლების მიერ მეტეხის ხიდის მიმდებარე ტერიტორიაზე მომხდარ ინციდენტში მონაწილე ერთი პირი უკვე იდენტიფიცირებულია და გადაყვანილია გამოკითხვაზე პოლიციაში. საზოგადოებას მალე მივაწვდით დამატებით ინფორმაციას მომხდარი შემთხვევის სხვა დეტალების შესახებაც“, – ნათქვამია განცხადებაში.
შეგახსენებთ, რომ ცოტა ხნის წინ, მეტეხის ხიდზე განცხადების გასაკეთებლად შეკრებილ სტუდენტებს დაესხნენ და ფიზიკურად გაუსწორდნენ.
ნაცემია იგორ ნარმანია, ასევე, დაშავებულია არასრულწლოვანი ანდრია ხამაშურიძეც.