საავადმყოფოში გარდაიცვალა ქალი, რომლის მკვლელობაც კასპში ყოფილმა ქმარმა განსაკუთრებული სისასტიკით სცადა.
25 სექტემბერს ზურაბ ბურდული ყოფილ ცოლს, 34 წლის თათია ლომინაძეს, განსაკუთრებული სისასტიკით გაუსწორდა, ახალგაზრდა ქალს ბენზინი გადაასხა და ჭრილობები მიაყენა. მან გუშინ დანაშაული აღიარა – ბურდულს ბრალდება საქართველოს სისხლის სამართლის კოდექსის 11 პრიმა, 19-109-ე მუხლის „თ“, „კ“ და „მ“ ქვეპუნქტებით, რაც გულისხმობს განზრახ მკვლელობას დამამძიმებელ გარემოებებში.