თბილისში მიხეილ სააკაშვილის ბიძა, თემურ ალასანია ჩამოფრინდა. ჟურნალისტებმა ის თბილისის საერთაშორისო აეროპორტში გადაიღეს. ალასანიამ მათ კითხვებს არ უპასუხა.
აღნიშნულს ანალიტიკოსი დავით ზარდიაშვილი, სოციალურ ქსელში ეხმაურება:
“რასაკვირველია, ნაციონალური მოძრაობა+სატელიტი პარტიები თავიანთი ე.წ. სტრუქტურებით, რომელთა შორის დივერსიულ-პროპაგანდისტულ ტელევიზიებს მოწინავე პოზიციები უკავიათ – სისტემურად ერთი დიდი კლიენტელაა, დაახლოებით იგივე პრინციპებით აწყობილი, როგორიც მაფიაა.
თემურ ალასანია ამ კლიენტელის „ბიგ ბოსია“, პატრონთა ოჯახის ასაკით უფროსი, ხოლო, რეალური გავლენებით თითქმის იგივე, რაც მისი დისწულია. იმ პირობებში, როცა სააკაშვილი ციხეშია, ბუნებრივია, ოჯახისაც და მთელი ამ კლიენტელის (წაიკითხეთ – „მაფიის“) პატრონობა სწორედ მას დააწვება მხრებზე. ამიტომაც ჩამოვიდა. იგი, როგორც პატრონი ეცდება დაალოგოს საკმაოდ აწეწილი მდგომარეობა კლინეტელაში. უწინარესად, ფინანსური საკითხი იქნება მოსაგვარებელი – პატრონი ანგარიშს მოითხოვს, ერთგვარ რევიზიასაც ჩაატარებს და სახსრების გადანაწილების ახლებურ, „საგანგებო“ სქემას დასახავს.
ამის მიხედვით გადაეწყობა რეალური, არაფორმალური იერარქია კლინტელაში და შესაბამისად, პარტიისა და სატელიტი ორგანიზაციების ფორმალური წყობაც. მელიას საკითხი – ერთ- ერთი და არა მთავარი, დეტალია მთელს ამ კლინტელურ, მაფიოზურ კატავასიობაში”, – წერს ზარდიაშვილი “ფეისბუქის” პირად გვერდზე.
ამასთან, საქართველოს ექს-პრეზიდენტი, მიხეილ სააკაშვილი მორიგ წერილს აქვეყნებს, სადაც აღნიშნულია, რომ მისი ბიძა თემურ ალასანია, რომელიც საქართველოში საახალწლოდ ჩამოვიდა დაკითხვაზეა დაბარებული.
სააკაშვილი “ქართული ოცნების” დამფუძნებელს, ბიძინა ივანიშვილს მიმართავს და ურჩევს, თუ ასლან აბაშიძეს ბაძავს, “ბოლომდე მიბაძოს და ყველა ალასანია, სააკაშვილი და წერეთელი დაიჭიროს”.
“გავიგე, ბიძაჩემი თემურ ალასანია, რომელიც საახალწლოდ ჩამოვიდა საქართველოში, დაკითხვაზე დაიბარეს. ჩემი რჩევა ივანიშვილს, თუ ბაძავ ასლანს, ბარემ ბოლომდე მიბაძე ყველა ასანიძე რომ დაიჭირა ერთად. დააპატიმრე სასწრაფოდ ყველა ალასანია, ყველა სააკაშვილი, მიაყოლე ავთო წერეთელიც და მისი ადვოკატიც კახა წერეთელიც, ჩემი ნათესავებია, ყველა საქართველოში მყოფი ჰოლანდიელი, ნუ ერთი ამერიკელიც [ბიძაჩემი ხომ ამერიკის მოქალაქეა], რათა ახალი წლის სუფრაზე განსაკუთრებულად დაცულად და ბედნიერად იგრძნო თავი შენს ხიხოსტანში”, – ნათქვამია სააკაშვილის წერილში.
https://mix.metronome.ge/24517-2/