საზოგადოებრივი ჯანდაცვის სპეციალისტის, აკაკი ზოიძის განმარტებით, ყნოსვის დაკარგვა, შეიძლება იყოს ნიშანი იმისა, რომ ვირუსმა ტვინში შეაღწია.
“ვაქცინაციის ალტერნატივად ვინც მოიაზრებს “ბუნებრივ”იმუნიტეტს კოვიდის გადატანის შედეგად (ასეთი ადამიანების რაოდენობა ჩემს ირგვლივ არცთუ ცოტა აღმოჩნდა), მათ საყურადღებოდ: საყოველთაოდ ცნობილი ერთი შეხედვით “უწყინარი” სიმპტომი: ყნოსვის დაკარგვა, შეიძლება იყოს ნიშანი, რომ ვირუსმა შეაღწია ტვინში, მის იმ უბანში, რომელიც აკონტროლებს ასევე სუნთქვას და გულისცემას, როგორც ამას მეტყველებს კომენტარებში მოცემული კვლევის შედეგები.
უფრო ზოგადად, რატომ უნდა დავაყენოთ ადამიანები, განსაკუთრებით ბავშვები და მათი ტვინი, ამ ვერაგი ვირუსით, რომელსაც აქვს უნარი ორი გზით შეაღწიოს ტვინში: ყნოსვის ნერვის და ასევე სისხლის მიმოქცევის სისტემით, – მუდმივი და განმეორებითი ინფიცირების საფრთხის წინაშე, აცრით გენერირებული დაცვის გარეშე?!”, – წერს ზოიძე “ფეისბუქის” პირად გვერდზე და ურთავს nature.com– ზე გამოქვეყნებულ მასალას.