ტელეკომპანია “ფორმულას” წამყვანი მიშა მშვილდაძე სოციალურ ქსელში წერს:
“ხაზარაძეც უნდა ჩასვან.
უზურპატორის პირობებში ეგრე უნდა მოხდეს აუცილებლად – ყველა უნდა დაიჭირონ, რომ მერე ყველა ერთად გამოვაშვებინოთ.
დასავლეთი რუსეთის არმიის შიშით კანკალებდეს და საქართველოში პროდასავლური ძალები ვიმარჯვებდეთ – ეგრე ვერ გამოვა.
ან აზრზე მოვალთ მთელი პლანეტა, ან გათავხედებული სი*ების ჭკუაზე ვივლით.
მე ვდებ, რომ აზრზე მოვალთ”, – წერს მშვილდაძე “ფეისბუქის” პირად გვერდზე.
ცნობისთვის, ე.წ. ფულის გათეთრების საქმეზე, რომელზეც ბრალდებულები მამუკა ხაზარაძე, ბადრი ჯაფარიძე და ავთანდილ წერეთელი არიან, თბილისის საქალაქო სასამართლოში პროცესი მიმდინარეობს.
აღნიშნული ბრალდების სისხლის სამართლის საქმეზე დღეს ბოლო სხდომა იმართება.
ადვოკატების დასკვნითი სიტყვის შემდეგ, მხარეები რეპლიკებით ისარგებლებენ, რის შემდეგაც ბრალდებულები საბოლოო სიტყვებს წარმოთქვამენ. აღნიშნულის შემდეგ მოსამართლე განაჩენის გამოსატანად სათათბიროდ გავა.
მამუკა ხაზარაძეს და ბადრი ჯაფარიძეს ბრალი წარედგინათ 2019 წლის 24 ივლისს ჯგუფურად 16 664 000 ამერიკული დოლარის უკანონო შემოსავლის ლეგალიზაციის ფაქტზე, რასაც თან ახლდა განსაკუთრებით დიდი ოდენობით შემოსავლის მიღება (დანაშაული გათვალისწინებული საქართველოს სისხლის სამართლის კოდექსის 194 მუხლის მე-2 ნაწილის ,,ა“ და მე-3 ნაწილის „გ“ ქვეპუნქტით).
რაც შეხება ავთანდილ წერეთელს, პროკურატურა ბიზნესმენს ბადრი ჯაფარიძისთვის და მამუკა ხაზარაძისთვის უკანონო შემოსავლების ლეგალიზებაში დახმარებას ედავება.