“ეს ქალი [სალომე ზურაბიშვილი] ან გაუგებრობაში ჩააგდეს, ან სულელია” – ამის შესახებ “ქართული ოცნების” წევრმა, გია ვოლსკმა განაცხადა, რითაც ვარშავის ფორუმზე საქართველოს მე-5 პრეზიდენტის, სალომე ზურაბიშვილის გამოსვლას გამოეხმაურა.
გია ვოლსკის თქმით, ის ზურაბიშვილს შეხვედრებზე დაყვებოდა და მის სადღეგრძელოებს სვამდა, შემდეგ კი ზურაბიშვილმა გადაწყვიტა “იმ როლში ჩამდგარიყო, რა როლშიც ახლა არის”.
“ეს ქალი ან გაუგებრობაში ჩააგდეს და რა ქნას არ იცის და ამ მარიონეტის როლს ასრულებს უნიათოდ, ან ელემენტალურად სულელია.
ყველა შეხვედრაზე ვახლდი და სალომე ზურაბიშვილის სადღეგრძელოებს ვსვამდი. რაღაც მონაცემები ჰქონდა, ინტელექტუალური, ევროპის background-ი, ენების ცოდნა, ამან რასაკვირველია თავისი როლი ითამაშა, შემდეგ უცბად გადაწყვიტა, რომ ამ როლში ჩადგეს, რა როლშიც დღეს არის, ან უბრალოდ სულელია,” – განაცხადა გია ვოლსკმა.