გიორგი ბაჩიაშვილზე თავდამსხმელი ციხიდან გაათავისუფლეს. „პირველების“ ინფორმაციით, კახი მეტრეველი, რომელმაც ბაჩიაშვილის საკანში ფიზიკური ანგარიშსწორება მოაწყო, თავდაპირველად ციხის საავადმყოფოში გადაიყვანეს, შემდეგ კი საპატიმრო დატოვებინეს და სახლში გაუშვეს.
ამასთან, ბაჩიაშვილის ადვოკატი ახალი საფრთხის შესახებ საუბრობს და აცხადებს, რომ მის კლიენტზე კიდევ ერთი თავდასხმა მზადდება. პრევენციული ღონისძიებების გატარება უფლებადამცველმა გიორგი ჩიკვაიძის მიერ გავრცელებული ინფორმაციის შემდეგ მოითხოვა.
ჩიკვაიძე ირწმუნება, რომ არსებობს სანდო ინფორმაცია, რომლის თანახმადაც, გიორგი ბაჩიაშვილი უახლოეს დღეებში შესაძლოა ისევ გახდეს ფიზიკური ანგარიშსწორების მსხვერპლი.