“აკრედიტაცია საზღვრების გარეშე” პრეზიდენტი, პროფესორი გიორგი ფხაკაძე სოციალურ ქსელში წერს, რომ ჩატარებული კვლევის თანახმად, “ფაიზერის” ახალი კოვიდ – აბი, ისეთი ძლიერი არ აღმოჩნდა, როგორც ამას ელოდნენ.
როგორც ფხაკაძე ჩატარებულ კვლევაზე დაყრდნობით წერს, კოვიდ – აბი მხოლოდ ჰოსპიტალიზაციას ამცირებს.
“ფაიზერის” ახალი კოვიდ – აბი საინტერესოა, მაგრამ არ აღმოჩნდა ისეთი ძლიერი, როგორც ყველა ელოდა. მოლოდინი იყო პაციენტების 90% – ით ეფექტური დაცვა.
თავად “ფაიზერის” მიერ ჩატარებულმა კვლევამ აჩვენა, რომ მისი აბი მხოლოდ ამცირებს ჰოსპიტალიზაციას (საავადმყოფოში დაწოლას მძიმე სიმპტომებით) დაახლოებით 70% – ით (კვლევა ომიკრონამდე იყო ჩატარებული).
ნუ ელოდებით “მაგიურ” წამალს, ან, “უკვდავების ელექსირს”, გამოიყენეთ სამედიცინო პირბადე!
ჯანმრთელობას გისურვებთ!”, – წერს ფხაკაძე “ფეისბუქის” პირად გვერდზე.