“ჯანდაცვის მინისტრის პოსტზე ლევან რატიანის კანდიდატურას მხარ დაუჭერთ?” – TV – “პირველის” ჟურნალისტის შეკითხვას ინფექციური პათოლოგიის, შიდსის და კლინიკური იმუნოლოგიის ცენტრის გენერალურმა დირექტორმა თენგიზ ცერცვაძემ შემდეგნაირად უპასუხა:
“ლევანი მეგობარია ჩემი და მხარს დავუჭერ, როგორც მეგობარს, მაგრამ არ მგონია, რომ ის ჯერ მინისტრობისთვის მზად იყოს”, – უპასუხა ცერცვაძემ ჟურნალისტს.
ჯანდაცვის მინისტრის პოსტზე ინფექციური საავადმყოფოს დირექტორი მხარს სავარაუდო კანდიდატს არჩილ თალაკვაძეს უჭერს.
ცნობისთვის, ეკატერინე ტიკარაძემ ჯანდაცვის მინისტრის პოსტის დატოვებაზე განცხადება 9 დეკემბერს გააკეთა, თუმცა ის მინისტრის მოვალეობას წლის ბოლომდე შეასრულებს.