„ჯივიპის“ ინფორმაციით, 24 სექტემბერს, კომპანია სამგორის რაიონში, მაისურაძის ქუჩა N16-ის მიმდებარედ, წყალმომარაგების სტაბილურობისთვის აუცილებელ სამუშაოებს ჩაატარებს.
მათივე ცნობით, კომპანიის ტექნიკური ჯგუფები სამუშაოებს 24 სექტემბრის დილის 11:00 საათზე დაიწყებენ და 24-საათიანი ინტენსიური რეჟიმით შეასრულებენ.
„აღნიშნულთან დაკავშირებით, სამუშაოების მიმდინარეობის პერიოდში აუცილებელია მაგისტრალური ქსელის წყლისგან დაცლა, რის გამოც ხვალ, 24 სექტემბერს, დილის 11:00 საათიდან, 25 სექტემბრის დილის 11:00 საათამდე წყალმომარაგება შეეზღუდება:
სამგორის რაიონში – იდუმალის, წურწუმიას, ქინძმარაულის, ნაკაშიძის, ფაღავას, წმინდა ბარბარეს, ქიზიყის, ჟორესის, ენუქიძის, პოლიციის, ჭიჭინაძის, გუმათჰესის, გუგუშვილის, ენგურჰესის, ცისკარიშვილის, სადგური ველს, გვაზავას, ცისკარას, ოდიშელიძის, ფრისის, ალადასტურის და კვირიკაშვილის ქუჩებს. ქვემო მელითონეთა, 31-ე ქარხნის, აეროდრომის და მიმდებარე დასახლებებს, ნავთლუღის მე-2 დასახლებაში – რაზიკაშვილის, ლორთქიფანიძისა და ელენე მეტრეველის ქუჩებს. სოფელ გამარჯვებას, გაჩიანს, აგთაკლიას, ყარათაკლიას, ყარაჯალარს და ფოლადაანთკარს.
კრწანისის რაიონში – ზემო და ქვემო ფონიჭალას, რუსთავის გზატკეცილს, ვაგზლის ქუჩას. გიგანტის და ზოოვეტის დასახლებებს, სოფელ ფონიჭალას, ჭალას და სოფელ თელეთს.
„ჯორჯიან უოთერ ენდ ფაუერი“ ბოდიშს უხდის მომხმარებლებს დისკომფორტისთვის.
წყალმომარაგების შეზღუდვისა და აღდგენის შესახებ ინფორმაციას, „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის – 2 93 11 11, „ფეისბუქისა“ და ვებგვერდის მეშვეობით http://www.gwp.ge“,- ნათქვამია ინფორმაციაში.