საბაჟოს ოფიციალური მონაცემებით, 2023 წელს საქართველოდან 1.9 მლრდ უცხოური ვალუტა გაიტანეს, 2020 წელს მხოლოდ 188 მილიონი, 2021 წელს 299 მილიონი. ამის შესახებ ინფორმაციას BPN-ი ავრცელებს.
„ფული არალეგალურად შემოვიდა, შემდეგ კი მისი ნაწილი გავიდა. ეს ნიშნავს, რომ საქართველო ფულის გათეთრებისთვის გამოიყენეს“, – ამის შესახებ ახალი ეკონომიკური სკოლის პრეზიდენტმა, პაატა შეშელიძემ განაცხადა.
კითხვაზე, ათეთრებენ თუ არა უმაღლესი გავლენის რუსული ორგანოები და პიროვნებები საქართველოში ფულს, შეშელიძე პასუხობს:
„როგორც ჩანს, ამას ნაწილობრივ აკეთებს. ამაზე ეჭვები დიდი ხანია რომ არის. მაგრამ, არის კიდევ ერთი ნიუანსი. დღევანდელი საქართველოს მთავრობა აშშ-ს და ევროპას ეუბნება, მოდით გადავტვირთოთ ურთიერთობები. მოდით დაგველაპარაკეთ. მათგან პასუხია – რატომ უნდა დაგელაპარაკო თუ არაფერს არ ცვლი.
არ გამოვრიცხავ, ახლა ხელისუფლება აშშ-ს და ევროპას ეუბნებოდეს – ნახე რა სქემა გავხსენი? ხელისუფლების წინა შემადგენლობა ცუდები იყვნენ, მე კარგი ვარ და ახლა მე დამელაპარაკე“, – აღნიშნა ეკონომისტმა.
