„სააკაშვილმა თავიდან კარგად დაიწყო და ბოლოსკენ აურია“ – ეს არის კონკრეტული რუსული ნარატივი და აგიხსნით თუ რატომ”, – მიხეილ სააკაშვილი სოციალური ქსელით განცხადებას ავრცელებს.
“სწორედ 2007-2012-ში მოხდა ცვლილებების უმრავლესობა, შეიქმნა იუსტიციის სახლები, მკვეთრად დაჩქარდა განათლების რეფორმა, ამოქმედდა ამერიკელი მასწავლებლების, „თითო ნოუთბუქი ყოველ ბავშვს“ პროგრამა, აშენდა და შეიქმნა ამერიკული ტექნოლოგიური უნივერსიტეტი – თავისუფლების უნივერსიტეტი, მკვეთრად დაჩქარდა ბათუმის განვითარება და პარლამენტი გადატანილ იქნა ქუთაისში, სადაც აშენდა ახალი დავით აღმაშენებლის სახელობის აეროპორტი.
განვითარდა სვანეთი, კახეთი, დაიწყო ლაზიკის პორტის მშენებლობა. პარლამენტმა მიიღო „ეკონომიკის თავისუფლების აქტი“ და საქართველო გადავიდა მსოფლიო რეიტინგში მე-8 ადგილზე ბიზნესის თავისუფლების კუთხით. შემცირდა გადასახადები, მაგრამ ბევრი ადამიანი თვლის, რომ ეს პერიოდი იყო ჩავარდნა.
ჩემი აზრით ეს იმიტომ ხდება, რომ სწორედ ამ დროს ემთხვევა რუსეთის შეიარაღებული თავდასხმა საქართველოზე და ფართომასშტაბიანი ჰიბრიდული ომი, გააფთრებული პროპაგანდისტული კამპანიით, დადგმული ციხის კადრებით, სანდრას ამოჭრილი ორგანოებით და მოჭმული ძუძუებით. ეს ყველაფერი უნდა ავუხსნათ ხალხს”, – წერს მიხეილ სააკაშვილი.