საქართველოს პრეზიდენტის რეზიდენციასთან მიხეილ სააკაშვილის გათავისუფლების მოთხოვნით შექმნილი პლატფორმის და ,,ნაციონალური მოძრაობის” წევრების საპროტესტო აქციას, რომელიც გუშინ, 8 დეკემბერს გაიმართა, ჟურნალისტი მერაბ მეტრეველი სოციალურ ქსელში ეხმაურება:
“ქალს, წლებია უკვე პუტინის მონას და რუსეთის აგენტს ეძახიან, ფაქტობრივად ქვეყნის ღალატში ადანაშაულებენ და დღეს მიადგნენ, ჩვენი ლიდერი შეიწყალეო.
კი მაგრამ პუტინს თუ უნდა სააკაშვილის მოკვლა, პუტინის მონამ როგორ უნდა შეიწყალოს?”, – წერს მეტრეველი “ფეისბუქის” პირად გვერდზე.
მერაბ მეტრეველს ამავე პოსტის კომენტარებში ნანუკა ჟორჟოლიანი პასუხობს:
“არსებობს პოლიტიკური პროტოკოლი მერაბ, მე რაც არ უნდა ვეძახო მას, ის ვალდებულია მომისმინოს და ზუსტად ეგ სპეკულაციები რომ არ ყოფილიყო, მიშას მხარდამჭერებისგან არ შედგებოდა მასთან შეხვედრის მსურველების სია.
სინამდვილეში მაგის შანსი ჰქონდა. უნდა დაემტკიცებინა რომ პუტინის მონა არაა“, – წერს ჟორჟოლიანი სოციალურ ქსელში.
აქციის მონაწილეების ნაწილი პრეზიდენტ სალომე ზურაბიშვილთან შეხვედრას ითხოვდა, რისთვისაც 15:00 საათამდე მისცეს დრო, თუმცა აღნიშნული შეხვედრა არ შედგა.
ტელეწამყვან ნანუკა ჟორჟოლიანის განცხადებით, აქციის მონაწილეები დროებით იშლებიან და მიხეილ სააკაშვილის გათავისუფლების მოთხოვნით აქციები პერმანენტულ რეჟიმში გაგრძელდება.