“უნდა იცოდე, რომ მარტო არ ხარ” – ვის მიმართავს ნანუკა ჟორჟოლიანი

ტელეწამყვანი ნანუკა ჟორჟოლიანი სოციალური ქსელის მეშვეობით, ტელეკომპანია “პირველის” დამფუძნებელს, ვახტანგ წერეთელს მიმართავს.

“Vato Tsereteli, – ამ ბრძოლაში ბოლომდე შენთან ერთად ვარ. უნდა იცოდე, რომ მარტო არ ხარ, დიდი ძალა გყავს ადამიანების სახით”, – მიმართავს ჟორჟოლიანი წერეთელს.

ტელეკომპანია “პირველის” დამფუძნებელი ვახტანგ წერეთელი აცხადებს, რომ მის მამას ავთანდილ წერეთელს უცხოეთში სამკურნალოდ წასვლა ესაჭიროება, თუმცა პროკურატურა მათ მიმართვას 4 დღეა არ პასუხობს.

მისივე თქმით, ავთანდილ წერეთელმა, რომელიც მამუკა ხაზარაძესა და ბადრი ჯაფარიძესთან ერთად ბრალდებულია ე.წ. ფულის გათეთრების საქმეზე, რამდენიმე თვის წინ თირკმელზე მძიმე ოპერაცია გაიკეთა და ახლა კვლავ სჭირდება საზღვარგარეთ სამკურნალოდ გამგზავრება, რის საშუალებაც არ ეძლევა.

როგორც წერეთელი ამბობს, პირადად ბიძინა ივანიშვილი ცდილობს მის ოჯახსა და ტელევიზიაზე შური იძიოს:

“„6 თვის უკან მამას უმძიმესი ოპერაცია გავუკეთეთ თირკმელზე, ჰქონდა კიბო. ახლა გვიწევს ისევ გასვლა ქვეყნის გარეთ. 4 დღის წინ მივმართეთ პროკურატურას რომ მისცენ საშუალება გავიდეს სამკურნალოდ. 4 დღეა პროკურატურა პასუხსაც არ გვცემს. ეს არის პირდაპირ, ბიძინა ივანიშვილის შურისძიება ჩემს ოჯახზე. მას უნდა ჩემი ოჯახის წევრის ლეტალური შედეგი დადგეს. თქვენ გახსოვთ, რამდენიმე ხნის უკან იმდენი ატარეს სასამართლო დარბაზში, ადამიანი გულის შეტევით საავადმყოფოში მოხვდა. ეს რომ ბიძინა ივანიშვილის პირადი შურისძიებაა ჩემს ოჯახზე, მე დავადასტურებ”, – ამბობს წერეთელი.

https://mix.metronome.ge/24331-2/